Siatz aquí :  Benvenguda
    Estampar la pagina...

Benvenguda sus lo site de l'AELOc

     L'AELOc, qu'es aquò ?

      Associacion nascuda en 1987, recampa totei lei personas que ensenhan la lenga d’òc ò vòlon ajudar per son ensenhament dins leis establiments escolaris, publics e privats, ò dins lo mitan associatiu, siguèsson professionaus ò benevòles, en activitat ò a la retirada.
      L’AELOc es una associacion duberta en totei, favorisant l’escambi e lo dialògue: s’adreiça ais occitanistes come ai mistralencs, ò a n'aquelei qu'an ges de preferenci.
       L’AELOc afirma que la lenga d’òc apartèn a totei leis abitants de Provença-Aups-Còsta d’Azur cu que siegue son origina. Òbra per valorisar totei lei parlars autentiques de nòstra region, e per nosar de liames amé leis autrei regions occitanas, e tanben amé l’espaci catalàn e mai  lo monde latin e mediterranenc.


       L'AELOc, es :

           L’AELOc vos prepausa:
   1. Son bulletin d’informacion papièr "La Tarasca / La Tarasco".
   2. Son servici de venda (per corespondéncia ò en linha)
 de libres, CDs, documents pedagogiques, alboms per la classa, etc.
   3. Un collòqui bisannuau de nivèu universitari.
   4. De jornadas de rescòntre e de formacion.

   5.
De projèctes culturaus per leis escòlas e collègis de la region Provença-Aups-Còsta d’Azur..
   6. Una informacion personalisada en foncion de vòstrei besonhs.
   7. Un malhum permanent d’assistança e d’escambis professionaus.
   8. Una letra d'informacion (Internet) per vos assabentar dei darrièras nòvas a prepaus de la lenga d’òc e son ensenhament.
   9. De contactes de proximitat dins totei lei despartaments de nòstra Region.

   10. Un site Internet interactiu (informacions, projèctes, actualitats, ...)

 

      L'AELOc es sòci de la Federacion deis Ensenhaments de Lenga e de Cultura d'Òc, que colabòra amé lei representants deis autrei lengas de França.

bandfelco.gif

      Es tanben sòci de la Federacion deis Amics de l'Instruccion Laïca dei Bocas-dau-Ròse.

 
   ail.png
 
       L'AELOc es subvencionada de
Logo_Pays_d_Aix.jpg     paca1.jpg   cg13.jpeg    logo-cg04.png    logo-aix.gif
 

Lei 5 darrierei nòvas

 Icones/Nouvelles_novas/ico_sortir/button_0.pngLe murmure du pastre à Arles - lo 25/11/2022 13:19

MurmureARLES_18_12.jpg


ATTENTION: Contrairement à ce qui a été annoncé dans "La Tarasca n°78, le spectacle est programmé à 16h !


Icones/Nouvelles_novas/ico_colloque/button_0.pngXIV° COLÒQUI DE L’AELOC - lo 02/11/2022 14:30

Affiche colloque.jpg


INSCRIPTION AU COLLOQUE

 

Propulsé par HelloAsso

Icones/Nouvelles_novas/ico_colloque/button_0.pngXIV° COLÒQUI DE L’AELOC - lo 02/11/2022 08:47
XIV° COLÒQUI DE L’AELOC
 
LO XIV° COLÒQUI DE L’AELOC
 
si tendra à Greasco (13850)
 
 

LO XIV° COLÒQUI DE L’AELOC
 
si tendra à Greasco (13850)
 
Salo Raymond Galhuid. Carriero de Laterina
 
lou dissato 10 de decèmbre 2022
10 ouro-18 ouro
 
sus lou tèmo
 
La lenga d’òc
e l’istòri industriala e sociala de la Provença
au cors dei dos darniers siècles
 
Councèrt dóu groupe musicau
Mauresca Fracàs Dub
 
Vous demandan de reserva la dato tre aro
e de veni noumbrous à-n-aquelo manifestacien
 
pèr permetre à n aquelei que fan passar la lenga
de si retrovar, s’assabentar, faire changi d’idèias
e far conoisse publicament nòstra engajament
 
Lo programa serà mandat en tóutei au mai lèu

PÈR AJUDAR AQUELEI QU’APRENON LA LENGA


Lo burèu de l’AELOC a decidat de proposar a n aquelei que s’engajon dins un projèt serios d’iniciacien a la lenga d’òc pèr un travalh personau de lei metre en relacien cadun m’un membre volontari de l’AELOC pèr li donar una ajuda dins sa demarcha.

Soun soulicita pèr va faire lei coulègo ensignaire en ativeta o retira, mèmbre de l’AELOC, e aguènt uno counouissènço sufisènto de la lengo pèr ajuda à n’en prougrama l’aproupriacien. Sera douna priourita, dins l’ordre d’arribado dei demando, à-n-aquélei qu’an un besoun proufessiounau d’aprendre la lengo, pèr eisèmple lei mèstre d’escolo candidat à la validacien de sei coumpetènci en lengo regiounalo pèr poustula à de poste especifique, mai l’ofro es facho pèr touto persouno qu’a la voulounta de s’aproupria la lengo, dins la limito dóu noumbre d’ajudaire dispounible.  

La relacien entre l’aprenènt(a) e son ajuda an naturalament de s’organisar librament. Nos sèmbla que l’aprenènt(a) a de si chausir (eventualament emé nòstra ajuda) una metòda de referènci pèr travalhar solet(a), e lo tutorat si pòu imaginar coma un rescòntre (in praesentia o a distanci) entre lei dos pèr mesurar la situacien de basa e programar lo travalh, limitat à n una anada escolari eventualament renovelada, cadenciat pèr de moments monte s’escandalha la progressien e s’esclargisson lei confusiens e dificultats.

L’aprenènt(o) dèu agué la poussibilita de questiouna soun ajudo sènso la secuta, à de moumen counvengu, e li pòu èstre óufri de tèms de counversacien pèr metre le lengo en mouvamen, emai touto formo d’ajudo à l’aprendissàgi imaginado entre lou tutour e lou beneficiàri.

Lei rescòntres pòdon si faire dins leis endrechs convenguts d’un comun acòrd, l’Ostau de Provença e lo CEP d’Oc as Ais estènt disponibles pèr aquelei que nen son pròchis. L’AELOC pòu tambèn provesir a grati de liames Zoom. Lo tutorat es benevòle pèr lo tutor e a grati pèr lo beneficiari, en qu serà solament demandat una adesien a l’AELOC (10 €).

Aquelei que vòlon beneficiar de l’òfra an de si far conoisse pròchi l’AELOC pèr mail (aeloc-bureau@aeloc.fr) o pèr lo formulari  de contacte dau site o l’adreiça postala que li es indicada (https://www.aeloc.fr).


Icones/Nouvelles_novas/ico_informations/button_0.pngOmenatge per Jan-Cristòu - lo 22/05/2022 17:41

image2.jpgOmenatge per Jan-Cristòu

Divendres, lo 8 d'abrieu 2022, eriam una centenada de personas recampadas dins la cort de l'escòla Calandreta la Granatiera a Aurenja, a l'entorn de l'olivier plantat per nòstre collèga professor deis escòlas Jan-cristòu Garnier, que nos quitèt brutalament lo 4 de decembre.
Avèm vogut un olivier dins la cort de nòstra escòla per l'aguer sota leis uelhs, totei lei jorns, podrà grandir en meme temps que nòstrei pichòts calandrons que l'an ja adoptat e que lo regardan amé afeccion. Ié parlan, lo caressan, li arrancan una pichòta fuelha, de còps. Eu, en retorn, pòu ié ofrir de frescor, d'ombra e una escota discreta e benvolenta. Fai partida de nòstra vida ara.
Per ié rendre omenatge, com'èra un afogat de la lenga provençala, d'unei legiguèron de tèxtes :  un poèma sus lo Ròse de Mistral, lo « grilhet » de Jan-Enric Fabre e una descripcion de l'olivier que correspònd a la personalitat dau Jan-Cristòu.
Puei, lei calandrons presents, ancians e actuaus, cantèron de cançons de la corala, qu'èra èu que l'aviá mesa en plaça dins l'escòla despuei quauqueis annadas.

 

image1.jpg


Musician, amé sa guitarra,aviá creat de cançons sus lei tèxtes de René Matieu, un C.D. fuguèt produsit. D'autrei CD fuguèron tanben creats amé d'autreis actors, Mauresca, e seis amics de Sant-Esperit : Djahlekt, Ti'john, quauqueis annadas avans.
L'istòria li agradava fòrça tanben e de lònguei charadissas se podián debanar entre leis escolans e leis adultes.
Tanben, èra un afogat dau balon, fuguèt l'instagator dau torneg de balon, etapa obligatòria per leis escolans dau CP au CM2, chatas e dròlles, e moment de granda jòia partejada.
Puei, participèt e faguèt d'intervencions sus la lenga e sus la lectura au forum d'òc de Seina-sus-mar,lo 5 d'octòbre 2019.
Per tot çò que portèt a nòstra escòla, ais enfants, grands e pichòts, a nautrei tanben, a sa simpatia, sa benvolença, son escota, ié disèm un grand mercé e a reveire Jan-Cristòu, serà totjorn demieg nautrei.


image3.jpg


Formulari d'adesion a l'AELOc-pagament securisat amé CB

Per 2023

Propulsé par HelloAsso