En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
Siatz aquí :   Benvenguda » Assemblada generala de 2014: Rendut-còmpte
 
Previsualizar...  Estampar...  Estampar la pagina...
Previsualizar...  Estampar...  Estampar la seccion...
 
Recèrca
 
Barrar

La Botiga

      +Visitatz la botiga en linha de l'AELOC

      bouton_boutique.png

      +Telecargatz nòstre catalòg .pdf

     LibreEscolan[1].jpg     lorei2[1].jpg
 

      Contacte comandas: 

      Corrièu    I-mèl

La Tarasca/o

Çò que fasèm

 ↑  

Adesion en linha

     Podètz aderir a L'AELOc despuei lo site, e pagar vòstre escotisson en linha.

Ensenhament

Legit dins lo jornau...

Videòs

Archius

Assemblada generala de 2014: Rendut-còmpte

rss Aqueleis articles son disponibles en format estandard RSS per publicacion sus vòstre site oèb :
https://www.aeloc.fr/data/oc-articles.xml

Assemblada Generala 2014 de l’AELOC

RENDUT-CÒMPTE

Dissato 5 de Juiet à-z-Ais

ostau_de_p.jpg

Escusats : Aneta Cottin ; Frederica Durand ; Silvia Feuga ; Glaudeta Occelli ; Natalia Wurbel ; Sandre Arnaud ; Lucian Durand ; Gièli Maye.

1. Rapòrt morau, rapòrt d’ativitats 2013

La noveutat la pus marcanta dins lo foncionament de l’AELOC es de s’èstre engajada dins l’aventura dau Forum d’Oc. Aquela idèia nos vèn de nòstre vici-presidènt Michèu Neumuller e, indireitament, de la FELCO que sovetava una regionalisacien dei manifestaciens nacionalas. L’idèia èra de recampar au nivèu regionau lei composantas de la coordinacien Anem, òc, qu’organisèt lei manifestaciens nacionalas en favor de la lenga d’òc, e que son lo Felibrige, l’IEO, l’AELOC emé l’APLR de Niça, la Federacien dei Calandretas, Oc-bi (associacien de parènts d’escolans) sus un progèt que porrié nos donar una visibilitat dins la societat. A traucat alòr l’idèia de tenir un colòqui regionau d’aut nivèu sus lo tèma de l’avenir de la lenga d’òc en Provença. Lo colòqui es estat un sucès qu’a despassat leis espèras deis organisators : degueriam li refusar de monde.

2013Colloquioccitan_mini.jpg

2013ColloqueSite.jpg

La counclusien dóu coulòqui siguè l’anóunci de la creacien dóu Forum d’Oc, emé la voucacien de recampa tóutei leis assouciacien, couleitivita, elegi, servìci amenistratiéu, entrepresso, qu’acetarien de sousteni lei revendicacien pèr la proumoucien de la lengo d’o sus lou territòri regiounau : la creacien d’un cadre legislatiéu e reglamentàri ; la vesibleta de la lengo ; l’ensignamen e la fourmacien ; lou patrimòni e la creacien.

LogoForumdOc.pngL’AELOC a adonc contunhat leis aciens entrepressas en restant fidèla a l’esperit definit pèr seis estatuts. L’idèia dau colòqui vèn de nautrei, li avèm sacrifiat lo nòstre ; ara fau prevèire de l’organisar pèr l’an que vèn. La dobertura que praticam a totjorn portat de fruchs, e a probablament influençat nòstrei partenaris : la creacien dau Forum mòstra que nòstre eisèmple es estat sueivit, e que s’avèm pas convincut leis irreductibles, avèm au mens larjament obrat a rèndre possibles lei convergèncis que son ara manifèstas. La fisança que nos es estada facha pèr l’IEO e lo Felibrige s’es marcada pèr lo fach que nos an demandat d’èstre lei gerènts dei fons dau colòqui. Nos an reconoissut nòstra plaça dins lo mevolhon que va gerar lo foncionament dau Forum, e dins l’associacien de gestien qu’es estada costituada pèr aquò, l’AGEFOC, que l’AELOC n’assegurarà lo secretariat, en partenariat emé l’APLR de Niça.

Lou bilans d’acien de l’annado comprendra 5 rubrico.

a) Leis intervencien en mitan escoulàri :

Roumié Salamon rapello que lou catalogue de l’AELOC es esta difusa à 1700 eisemplàri dins leis establimen escoulàri publique e priva. L’AELOC siguè à l’iniciativo de 26 proujèt visant l’espandimen de la lengo d’o. L’espetacle « Quant couesto ? », juga integralamen en prouvençau pèr la Compagnié Gargamèla, siguè presenta à 12 classo (380 escoulan) à l’escolo de Cuers e à la Calandreta d’Aurenja, emai ei coulègi de Faienço e de Mount-Aurous.

2012Quant_costa.jpg

La preparacien e l’animacien de Carnavas siguè fisado au Trio Petaçons qu’intervenguè eis escolo de Saut, Branto, Casan-Vernegue, Lei Vignero, Marsiho-la Loubiero, Ais-lei Platano (40 classo, 1115 pichoun).

Petacons.jpg

Leis intervencien sus lei conte de Prouvènço siguèron au noumbre de 14 pèr leis escolo de Casan, Vernegue, Greasco, Mimet, La Batìo-Rouland, Mounteleimar, em’un proujèt annau pèr douos classo de la Calandreta d’Aurenja (37 classo, 255 pichoun).

Conteur2.jpg

L’òuperacien « Faire parlar lo païs » siguèt menada en partenariat emé la comuna d’Eigalieras e leis Amics de l’Istrucien Laïca, a Eigaliera e mai a Saut dins doas escòlas e au colègi (19 classas, 500 pichons e 50 adultes).

Expo_lagnes_03.jpg

D’obradors de dança tradicionala siguèron montats ais escòlas mairalas Bernat Palissy a n Aubanha e Santa Margarida a Marselha (9 classas, 230 pichons).

b) L’edicien 

L’AELOC a sortit lo libre de nòstre regretat presidènt d’onor Guiu Garnier, Un Vilatjon quilhat sus son rocàs, que cònta la vida a l’entorn de la segonda guèrra mondiala dins un vilagi que dòumina la Mar de Bèrra (500 eisemplaris).

2013Un_vilatjon.jpg

c) Lei partenariat

L’AELOC countunié de participa au Pres dei Jouine restaca au Grand Pres Literàri de Prouvènço qu’es ourganisa pèr l’Assouciacien culturalo prouvençalo de Ventabren e atribua pèr lou jurì dóu Grand Pres.
Aquest an, estènt la qualita dei proujèt, avèn decida de mounta de 3 a 5 lou noumbre de laureat. Lou pres es uno doutacien de 500€ pèr establimen, lo cost estènt de mita entre l’AELOC e l’ACPV. Lei laureat soun : lou licèu Pau Cézanne de z-Ais (« Leituro teatralisado e cantado dóu Pouèmo dóu Rose », respounsable Deidié Maurell), lou coulègi Thiers (« Un jué en óucitan », respounsablo Sarah Laurent), l’escòlo elementàri Clovis Hugues de Menerbo (« Abecedàri prouvençau de Menèrbo », respounsable Jan-Glàudi Puech), l’escolo meiralo de Pué-Loubié, (« Lou prouvençau dins lei famiho », respounsablo Marìo-Franceso Lamotte), l’escolo Calandreta d’Aurenja («La musico dóu Rose », respounsable Jan-Cristòu Garnier).  

Totjorn em’aquela associacien, una iniciacien a l’occitan es organisada a Ventabren sota la forma de sièis seanças, comprenènt una pratica de la lenga e una descubèrta de la literatura.

En partenariat emé l’Ostau dau Païs Marselhés, Mirèlha Comba organisa una iniciacien ebdomadari au provençau.

Amé lo Grope d’Estudis provençaus de Cucuron, un estagi comportant nòu miejornadas de descubèrta e perfecionament dins la lenga e la cultura s’es debanat tot de lòng de l’anada escolari.

d) Relaciens emé l’Educacien nacionala

En Vauclusa, lo pòsta d’animatriça pedagogica d’Aneta Cottin es estat perenisat, sota la forma d’un mieg-tèmps de lenga estrangiera e un mié–tèmps de lenga regionala. Es la satisfacien d’una premiera revendicacien, la segonda serà de restrenhe lo tèmps consacrat a la lenga estrangiera.

Nòstre vici-presidènt Michèu Neumuller a participat au Consèu Academique dei lengas regionalas em’a la Comissien despartamentala de la lenga regionala de l’Ispeicien Academica dei Bocas dau Ròse.

Enfin, l’ESPÉ a dobèrt una unitat d’ensenhament de trenta oras de lenga regionala dins lo quadre dau master MEEF 1° anada au Centre das Ais. Nòstre colèga Roland Boyer l’a assegurat pèr 12 estudiants au segond semèstre ; mai fau dire qu’es estat anonçat solament au mitan de l’anada bèn après que leis autreis opciens siguèsson estadas en plaça. De nòstrei contactes emé Frederic Saujat, direitor ajonch cargat de la recèrca e de l’inovacien, ressòrte que l’ESPÉ es estada pron satisfacha de la prestacien e que son lèsts de dorbir un ensenhament au mens de premiera anada a Marselha e as Ais, e que serié possible autra part. Matieu Poitavin serié lèst d’intervenir, dèu de començar de prendre de contactes emé lei professors que conoisse. Enfi, Sandre Arnaud es entrat en relacien emé lo Centre de Dinha. Es estat demandat a l’ESPÉ de preparar una convencien emé l’AELOC.

Uno counvencien entre lou Counsèu Generau dei Bouco dóu Rose e lou Reitourat es en cours de signaturo.

e) Relacien emé la FELCO

La couourdinacien Anem, òc es en discussien à prepaus de soun proujèt de manifestacien naciounalo. Li a manifestamen un desacord sus la fourmo de la manifestacien mai que mai entre la FELCO e l’IEO. L’AELOC ajudarà lo projèt que sera retengu.

La FELCO a edita uno broucaduro « Aprendre à ensigna lei lengo regiounalo dins l’escolo de la Republico ». Nous n’a baia proun d’eisemplàri que soun à vouasto dispousicien.

Lou raport mourau e lou raport d’ativita soun adóuta à l’unanimita.

2. Bilans financié

Lei comte de l’AELOC mouastron uno situacien perfetamen sano.

Lou raport financié es adóuta a l’unanimita.

3 Lei Progèts per 2014

a) Proposiciens culturalas ais establiments

Teatre : Leis aurelhas dau diable, Teatre interregionau occitan.

aurelhas_dau_diable_affiche.jpg

Musica : Leis istruments tradicionaus, lo galobet-tamborin. L’AELOC participarà a 5 progèts musicaus d’escòlas o de colègis que solicitarien Andrieu Gabriel coma intervenènt.

Amimacien : Carnavau tradicionau : Carnavau e fèsta a l’escòla/Carnaval e fèsto à l’Escolo : en colaboracien emé lo Triò Petaçons. L’AELOC participarà au finançament de dès progèts d’escòlas o de colègis de la regien. Leis intervenciens seran preparadas pèr d’obradors d’aprentissagi de danças e cants tradicionaus de Provença.

Oubradou de danso tradiciounalo e de creacien de conte : Leis animatour de l’AELOC si meton à dispouscien deis ensignaire pèr beileja aquéleis oubradou e crea de countate emé leis assouciacien dóu relarg que pouadon veni « assouciacien ressourso » pèr leis ensignaire.

Còntes de Provença – Conte de Prouvènço : Intervencien à destinacien deis escolo pèr un dei countaire de l’AELOC : Liso Gros, Rougié Pasturel, Roumié Salamon.

b) Cantejadas 2015: Creacien de cançons en provençau pèr lei pichons

Pèr renovelar lo repertòri en creant 15 titres pèr lei pichons de 4 a 10 ans, serà demandat a d’artistas-creators de la novèma cançon occitana de composar de cançons òuriginalas. Seran solicitats : Djali dau Massalia Sound System, Tatou de Mossur T e lei Jouvents, Gari Greu, lo grope Mauresca Fraca Dub, Manu Theron dau Còr de la Plana, Danieu Daumas, Liza, Miqueu Montanaro, Jan-Bernat Plantevin. Leis orquestraciens seran fachas pèr lo grope Musicas Atualas dau Conservatòri de regien das Ais. Un CD serà creat a l’òucasien dau concèrt dei Cantejadas en Mai 2015.

c) Fourmacien

Un moudule de fourmacien proufessiounalo de dous còup quinge ouro, intitula « Dóu conte à la creacien », es esta mounta pèr uno vinteno d’ensignaire de Vau-cluso, en coulabouracien emé l’animatriço pedagougico de lengo regiounalo e l’Ispeicien Academico, dins lou cadre de la fourmacien countinuo.

L’ensegnamen à l’ESPÉ dèu si dourbi en tóutei lei proumiéreis annado dóu mastèr MEEF, à-z-Ais, Marsiho, Avignoun, Digno, pèr uno unita d’ensignamen de 30 ouro. Aquéleis ensignamen soun finança pèr l’AELOC.

d) Proujèt d’Edicien 

Libre-CD dei Cantejado : déura counteni lei tèste e lei particien dei quinge cansoun retengudo pèr lei Cantejado de l’an que vèn. Sera tira à 1000 eisemplàri.

Reedicien dei libret « Langue d’oc et culture régionale à l’école » : Lou Cors uman, La Famiho, Nouvè, Lou Tèms que passo, Lei Noumbre.

Chantier « Ensenhament simultanèu dei lengas romanas » : dos progèts son en cors de realisacien.

Lo promier concèrna l’edicien d’un tèste bilengue italian-provençau. Es un estrach dei

memòris d’un emigrant italian dins la regien marselhesa, Giambattista Cane, emé una introducien e de nòtas pèr Stephane Mourlane, professor d’istòri contemporana a l’Universitat, especialista de l’Italié e ancian membre de l’Escòla francesa de Roma, que nos es estat indicat pèr Jan-Maria Guillon, emai una introducien a la compareson dei lengas. Lo tèste fa 48 pajas pèr chasca lenga.

Lo segond es l’introducien de l’occitan dins lei metòdas d’ensenhament simultanèu, monte tres possibilitats son òufèrtas : far intrar l’occitan dins la metòda Eurom 5, iniciada pèr Claire Blanche-Benveniste, monte vènon de far intrar lo catalan ; crear un materiau pèr lei pichons, siegue en utilisant la metòda dau progèt europenc Euro-mania editat pèr l’IUFM de Tolosa, siegue en creant un materiau mens ambicios.

Edicien dei libret de la metodo dicho « Maleto Pedagoucico » realisado pèr la Missien de lengo regiounalo dei Bouco dóu Rose. Lei proumiérei publicacien councernaran lou librihoun dóu mèstre e aquéu de l’escoulan pèr lou ciéucle 3, emé lei tèste utilisa pèr la metodo, uno presentacien de la lengo, un panourama gramaticau.

e) Partenariats

Participacien au Forum d’Oc

Es demanda à cadun de soulicita leis establimen escoulàri, leis assouciacien e leis elegi que counouisson pèr lei faire adera au Forum. La Charto dóu Forum es sus lou sìti de l’AELOC. La proumiero sessien pleniero si tendra à La Faro (Bouco dóu Rose, entre Ais e Berro) lou dissato 11 d’Outobre 2014.

Projet de creacien de mediàs pedagogiques

Patrici Gauthier a recampat as Ais l’AELOC emé lo CEP d'OC e Lou Prouvençau à l'Escolo.

L'idèia es de crear d'òutìs pedagogiques comuns sènsa esperit partisan que porrien èstre utilisats au nivèu dau colègi e eventualament dins lei CM e una partida au mens dei licèus. Natalia Seisson a evocat l'adaptacien dau manuau Cercaires d'Oc dau CRDP de Montpelher, Deidier Maurell a sostengut l'interès d'utilisar lei mites epiques dei poèmas mistralencs. En fin de còmpte s’es decidat de crear promier una tiera de videòs a partir d'un personagi d'adolescènt prolonjat semblable a n aquelei de Norman o de Cyprien. Lei videòs serien caduna d'una minuta - una minuta trenta, e si nen produrrié una quarantena. Dèvon permetre de lançar una sequènci d'espressien orala. Sarah Laurent emé Deidier Maurell asseguraran la representacien de l’AELOC dins lo grope de travalh.

Patrici Gauthier recamparà mai lei tres associaciens lo Dimècres 10 de Setèmbre.

Progèt « Faire parlar lo païs »

En partenariat emé l’associacien Lo Terralhet, lo progèt consista a animar l’esposicien « La rabi dei dieus » pèr de visitas contadas em’un espetacle de cant e musica. Doas òuperaciens seran menadas dins la regien.

Coumita Prouvençau de la Santo Baumo

L’AELOC es partido prenènto d’aquelo assouciacien creado en Outòbre de 2013 pèr

representa leis interès de la lengo d’o dins la messo en plaço dóu Pargue regiounau de la Santo Baumo.

Ajuda a la Dictada Occitana organisada pèr l’IEO dei Bocas dau Ròse.

Participacien au Pres dei Jouine de Ventabren

Countinuacien deis intervencien de Ventabren, Cucuroun e Marsiho

Coulòqui AELOC 2015

Lou sujèt retengu es : la lengo d’o e lo teatre en mitan escoulàri.

4. Data de l’assemblada generala 2015 

Lo Dissata 20 de Junh a 14 oras 30 a l’Ostau de Provènça-Oustau de Prouvènço.

L’assemblada s’es acabado pèr un òumagi a nòstre regretat colèga Guiu Garnier, fondator e presidènt d’onor de l’AELOC.


Data de creacion : 02/08/2014 - 16:03
Categoria : Archius - Vida associativa-2014
Pagina legida 11701 còps

Noveutats dau site

(despuei 45 jorns)

Letra d'informacion

Per aver de novèlas de l'associacion ò d'aqueste site, marcatz-vos a nòstra Letra d'Informacion.

Avans que de sometre aqueu formulari, mercé de legir e d'acceptar lei Mencions legalas.

Accèpti :
Tornar copiar lo còde :
 ↑  

Preferéncias


Se tornar connectar :
Vòstre nom (o escais-nom) :
Vòstre còde secrèt
<O>


  2221771 visitaires
  14 visitaires en linha

Connectats :
( degun )
Snif !!!
 ↑  

Calendier

Oebmèstre

Per meditar :   A la fiera, manca pas d'ases que se semblan.   
Per meditar :   L'argènt meno l'ome a l'infèr, mai éu rèsto a la porto.   
Per meditar :   Lo bòn pastre fai lo bòn aver.   
Per meditar :   Se pèr travaia l'on devenié riche, lis ase pourtarien lou bast d'or.   
Per meditar :   Cu non a bòna tèsta, fau qu'ague bònei cambas.   
Per meditar :   Chasque topin troba sa curbecela.   
Per meditar :   Fai bon saupre rèn, l'on apren toujour.   
Per meditar :   Quau a mestié a segnourié.   
Per meditar :   Amic de cadun, amic de degun.   
Per meditar :   Se la barbo blanco fasié lou sage, li cabro lou devrien èstre.   
Per meditar :   Dins lo besonh, leis amics se coneisson.   
Per meditar :   Es pas bèu çò qu'es bèu, es bèu çò qu'agrada.   
Per meditar :   Badar coma una gerla sènsa òli.   
Per meditar :   Mistrau de dissate a jamai vist lou dilun.   
Per meditar :   Bòn e marrit, coma la lenga.   
Per meditar :   Vau mai uno arencado sus lou pan qu'un pijoun que volo.   
Per meditar :   Quau trop sarro l'anguielo, l'anguielo i'escapo.   
Per meditar :   Vau mai esquilhar dau ped que de la lenga.   
Per meditar :   Cu maneja lei peiras se quicha lei dets.   
Per meditar :   Fau pas crompar cat en sac.   
Per meditar :   Lou brut fai pas de bèn, lou bèn fai pas de brut.   
Per meditar :   Lo pan dur ten l'ostau segur.   
Per meditar :   Lou courage se counèis à la guerro, la sagesso à la vido, l'amista au besoun.   
Per meditar :   Entre dous gendarmo, lou plus brave ome dóu mounde a l'èr d'un couquin.   
Per meditar :   Fau prene lou tèms coume es, l'argènt coume vèn, li gènt coume soun.   
Per meditar :   Quau semena d'espinas vague pas descauç.   
Per meditar :   Se la barbo dounavo la sciènci o se la barbo blanco fasié lou sage, lei cabro sarien tóutei dóutour.   
Per meditar :   Lo temps e l'usatge rendon l'òme sage.   
Per meditar :   Se fai pas lo civier avans d'aver la lèbre.   
Per meditar :   Quau a ben dinat crèi leis autrei sadol.   
Per meditar :   Qu toujour pren e rèn noun douno, a la fin cadun l'abandouno.   
Per meditar :   Un pau d'ajuda fa ges de mau, fòrça ajuda fa grand ben.   
Per meditar :   Entre volurs e volats, tot país es abitat.   
Per meditar :   Touto bèuta s'escoulouris, e lou renoun jamai peris.   
Per meditar :   Mistrau, Parlament e Durença son lei tres flèus de la  Provença.   
Per meditar :   A l'ase sadol lei cardons amarejan.   
Per meditar :   Pron d'ases pòrtan pas lo bast !   
Per meditar :   Quau tèn la coa de la sartan la vira d'onte vòu !   
Per meditar :   Aqueu qu'a ben dinat crèi leis autrei sadol.   
Per meditar :   Quau a que de cabras aurà lèu tondut.   
Per meditar :   Sensa pastre, mila fedas fan pas un tropèu.   
Per meditar :   A la pluma e a la cançon se reconeis l'aucelon.   
Per meditar :   Vau mai una abelha que mila moscas !   
Per meditar :   L'ase se coneis ais aurelhas, e lo fòu au parlar.   
Per meditar :   Lenga muda a jamai estat batuda.