Pres dei Jouine 2014 à Ventabren
Pres dei Jouine 2014 à Ventabren
Aquéu pres, coumo chasco annado, es atribua à tres classo d’establimen escoulàri qu’an presenta un proujèt pedagougique visant à desveloupa la pratico de la lengo d’o . Counsisto en uno doutacien de 500 € pèr chasque proujèt, prouvesi, mita cadun, pèr l’AELOC e pèr l’Assouciacien Culturalo Prouvençalo de Ventabren, dins lou cadre dóu Grand Pres Literàri de Prouvènço, qu’a ounoura lou 28 de Setèmbre Glàudi Barsotti e Crestian Bromberger.
Eicecionalament aquest an, estènt la qualitat dei projèts presentats, cinc establiments son estats lei laureats dau Pres dei Joines.
L’escòla mairala de Peilobier, qu’a l’estatut de centre d’ensenhament continu de la lenga regionala, a vogut estirar son acien de la classa vèrs l’ostau en proposant un dispositiu pèr desvelopar lo provençau dins lei familhas, graci a nòstra colèga Maria-Francesa Lamotte.
Lei tres galinas, d'après l'album "Còntes de Provença", R. Salamon
L’escòla bilenga Calandreta d’Aurenja a concretiasat pèr l’edicien d’un CD sa demarcha de creacien sus la musica dau Ròse sota lo govèrn de nòstre colèga Cristòu Garnier.
A l’escòla elementari Clovìs Hugues de Menèrba, nòstre colèga Jan-Claudi Puech a menat seis escolans a crear un Abecedari Provençau de Menèrba pèr descubrir la sinhificacien dei toponimes e patronimes dau vilagi.
Dous proufessour d’óucitan-lengo d’o, Sarah Laurent e Deidié Maurell, an vist cadun soun proujèt destria, respetivamen au coulègi Thiers de Marsiho pèr Un jué en óucitan, realisacien d’un jué videò pèr lei coulegian, e ai licèu Pau Cézanne de-z-Ais e Jan Monnet de Vitrolo monte lou travai dei licean, ‘mé l’ajudo dóu coumpousitour Felipe Franceschi, a proudu un espetacle de trìo sus lou sujèt dóu Pouèmo dóu Rose, qu’a agu l’ounour d’èstre representa au Counsèu Regiounau à l’óucasien dei coumemouracien de la mouart de Frederic Mistral.
Felicitacien ais escolans e a sei professors.