En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
 
 
 
Siatz aquí :   Benvenguda » Octòbre de 2010Programa dei jornadas de Perna
 
    Estampar la pagina...
    Estampar la seccion...
 
 
 
 
 

Octòbre de 2010
Programa dei jornadas de Perna

Jornadas per l’ensenhament de la lenga regionala
Pernas-dei-Fònts
dau 13 au 16 d’octòbre de 2010




Dau dimècres 13 au dissate 16 d’octòbre, l’ A.E.L.Oc organisa lei jornadas per l’ensenhament de la lenga regionala.

A l’iniciativa d’aquelei jornadas lo renscòntre amé la nòva responsabla d’aquel ensenhament per lo despartament de la Vauclusa.

* Lo dimècres 13 d’octòbre l’A.E.L.Oc participarà a una jornada de formacien deis ensenhaires,organisada per l’Educacien Nacionala en prepausant una vesita contada de la mòstra La ràbia dei dieus … a l’entorn dei còntes e legendas dau Ròse. Serà tanben l’escasença de presentar lei publicaciens per la joinessa, lei metòdes e autrei libres de còntes e novèlas en lenga nòstra, tant en grafiá mistralenca, coma en grafiá classica.


* Lei dijòus 14 e divèndres 15 d’octòbre, uech classas deis escòlas e dau collègi de Perna vendràn descubrir a l’entorn dei pinturas e dessenhs d’Enric Damòfli e dins la lenga, lei còntes dau Drac, de la Tarasca e lei legendas de la creacien de la Crau ò de l’arribada en Provença dei chivaus de Camarga.Chasca classa aurà una ora e mieja per s’esmeravilhar de vèire e d’ausir aquelei paginas de la cultura occitana que son l’arribada dei Santeis, la presència romana, lei batestas contra lei sarrazins, la Crosada ò la fiera de Beucaire.

* Lo di ssate 16 d’otòbre serà una jornada duberta au public e ais associaciens de Perna-dei-Fònts. Totei leis afogats de lenga e de cultura regionalas se retrobaràn per charrar, escambiar, dançar ò cantar …

La tòca d’aquela operacien es de rescontrar leis ensenhaires de la Vauclusa e de permetre entre elei d’escambis sus seis activitats e sei practicas pedagogicas.

Programa de la jornada dau dissate 16 d'octòbre
PERNAS-DEI-FÒNTS (84)
Espaci Joinessa – Avenguda Font de Luna



13o. 30 Accuelh : Dubertura de l’exposicion e deis estands

14o. 15 Dubertura dau collòqui per : M. lo Cònse de Pernas dei Fònts
Allocucions de : MM. leis representants de l’Educacion Nacionale
Mme la presidenta de l’ A.E.L.Oc

15o. 15 Ataliers :
Cant tradicionau amé Stéphane Manganelli
Cantaire provençau

Dança tradicionala amé Cécile Nicolas
Animatriça de l’associacion « Dançar au païs »

Toponimia amé Paul Peyre
Professor onorari

16o.45. Conferença-debat : Lenga regionala e lengas romanas
Que ròtle pòu jogar la lenga d’Òc dins l’intercompreneson entre lei lengas romanas ? Come faire de nòstra lenga un otís de comunicacion dins l’Euròpa de deman ?

19o. Aperitiu ofèrt per la Municipalitat de Pernas

20o. 30. Espectacle :
La ràbia dei dieus per " Lo terralhet "
Contat e cantat, en provençau e en francès, aqueu viage a la remonta e a la devalada dau Ròse es una seguida de pichòtas scènas monte se rescòntra a la fila mòstres legendaris, mites antiques, païsatges de Camarga ó deis Aupilhas, portats per d'instruments tradicionaus que son la viela, l’acordeon, la flaüta e de segur galobets e tamborins.
La Rabia dei dieus, es una convidacion a retrobar son ama d’enfant, pivelats per l’expression dei vielhs e lei meravilhosas istòris de nòstra Provença.

21o. 45. Balèti amé la participacion dei musicaires presents

de 13o. 30 a 19o
Exposicion : La ràbia dei dieus es un viatge istoricò-legendari lòng dau Róse desempuei lei ribas de Camarga jen jusca Mondragon. Composada de 46 panèus de dessins, e goachas dau pintre martegau Enric DAMÒFLI. Aquesta remonta dau Ròse es una pantaiada, una barulada poetica guidada per de tèxtes d’escrivans e poètas provençaus dau segle 19° e dau segle 20°.

Associacions - Editors : Estands deis associacions de promocion e de defensa de la lenga e de la cultura regionalas.
Son convidats a presentar son accion e sei realisacions leis associacions seguentas: Lo Felibrige, l’Institut d’Estudis Occitans, Lou Prouvençau à l’Escolo, lo CREDDO (centre de recherche, d’étude de documentation et de diffusion d’Oc), l’associacion Calandreta d’Aurenja …

Entressenhes :
A.E.L.Oc – Ostau de provença : Oustau de Prouvènço
Parc Jourdan – 8bis avenue Jules Ferry – 13100 AIX-EN-PROVENCE
Site internet : http://www.aeloc.fr


Jornada organisada amé l’ajuda de la Municipalitat de Pernas dei Fònts e dau Conseu Regionau Provença-Aups-Còsta d'Azur


Data de creacion : 22/10/2010 - 22:14
Darriera modificacion : 17/02/2012 - 18:21
Categoria : Archius - Projèctes culturaus-2010/2011

Pagina legida 10182 còps

Formulari d'adesion a l'AELOc-pagament securisat amé CB

Propulsé par HelloAsso