Faire parlar lo país, Aups de Provença Auta, rendut-còmpte
Faire parlar lo País
Castèu-Arnós
dau 8 au 12 de novembre de 2010
Per perseguir son òbra d’espandiment de l’ensenhament de la lenga e de la cultura d’Oc, l’A.E.L.Oc contunia d’anar au rescòntre deis ensenhaires.
Ansin, amé l’ajuda de l’Associacien per l’Animacien Escolària d’Òc, organisèt dins leis Aups de Provença-Auta una operacien : « Faire parlar lo País » a l’entorn de la mòstra La ràbia dei dieus
Per aguer una vertadièra participacien locala, leis associaciens dau patrimòni de Castèu-Arnoux e de l’Escala fuguèron ben lèu afrairadas que fuguèron apetugadas per aqueu projècte, tant coma lei comunas dei doas vilas e la comunautat dei comunas de Vau de Durença.
Quauqueis acamp à la fin de l’estiéu permetèron à toutei de si rescountra e d’ourganisa pèr lou miès aquelo manifestacien. Leis un s’entrevèron de trouba lei salo, leis autrei de preveire d’animacien, d’autrei de la publicita o dei contact emé la presso.
Dau 8 au 12 de novèmbre de 2010, 15 classas vengudas d’escòlas e collegis de Castèu-Arnoux, de l’Escala, de Volona e mema de Dinha venguèron descubrir a l’entorn dei pinturas e dessenh que nos balhèt lo pintre martegau Enric Damòfli, lei paisatges, lei còntes, lei legendas que farguèron, en riba de Ròse quauquei pajinas de l’Istòria de Provença.
Lou dimècres siguè organisa uno vesito countado, en majo part en prouvençau, per lei mai grand que venguèron tras que noumbrous.
Aquelo vesito s’acabè pèr uno castagnado e un vin caud que toutei se n’en coungoustèron, à la calour de grand brasero, dins l’antico cour de la fermo de Font-Roubert. Un bèu moment de counvivialita.
Aquelo vesito s’acabè pèr uno castagnado e un vin caud que toutei se n’en coungoustèron, à la calour de grand brasero, dins l’antico cour de la fermo de Font-Roubert. Un bèu moment de counvivialita.
Mai l’afaire es pas acabat que lo dimenche 12 de decèmbre, a 5 oras e mieja de vèspre serà presentat l’espetacle « La ràbia dei dieus
» per lei cantaires, musicaires e contaires de Lo Terralhet.
Un autre bèu moment de pas mancat per nòstrei amics deis Aups-de-Provença-Auta.
E per acabar manca que de dire que tot aquò siguèt possible daumaci l’ajuda dau Consèu Regionau PACA que l’esperam totei si sonarà lèu : Consèu Regionau Provença.
Data de creacion : 23/11/2010 - 14:14
Darriera modificacion : 16/09/2011 - 09:43
Categoria : Archius - Projèctes culturaus-2010/2011
Pagina legida 11438 còps
Darriera modificacion : 16/09/2011 - 09:43
Categoria : Archius - Projèctes culturaus-2010/2011
Pagina legida 11438 còps
