En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
 
 
 
Siatz aquí :   Benvenguda » Philippe Blanchet: Parlo-me prouvençau
 
    Estampar la pagina...
    Estampar la seccion...
 
 
 
 
 

Philippe Blanchet: Parlo-me prouvençau

2011assimilprov.gif
Philippe Blanchet
Parle-moi provençal

Assimil langues régionales. 2010. Guide & 2 CD. 14,90 €

      Coma nos agradarié de posquer recomendar sènsa resèrva aqueu librilhon pron reüssit, e agrementat dins lei CD pèr lei vos, entre autras, de nòstrei joinas colègas Celina Magrini e Rita Mazaudier ! L’iniciacien a la lenga, desprovesida de tot aparèlh gramaticau, si fa pasmens dins de dialògues bèn bastits, acompanhats de nòtas qu’esclairon eficaçament lei referèncis e l’esperit d’una lenga bèn autentica. Apreciarem particulierament que lo maritime siegue aitant a l’onor que lo rodanenc, l’estrechor de la coleicien permetènt pas au gavòt una plaça autra que simbolica. Aquelei qualitats incontestablas son malurosament gastadas pèr lo fanatisme de l’autor contra la pensada mistralenca e occitanista sus la lenga. L’unitat de la lenga d’òc es evidentament escagassada en si targant d’una imaginari unanimitat deis especialistas, la grafié classica es secament eisecutada, totei leis autors qu’an trempat dins lo pecat occitanista son maniacament forabandits, la crosada deis Albigés òublidada dins l’istorique senon pèr dire que Ramon Berenguier sostèn lo rèi de França, e la novèla cançon occitana, que serié mau aisat de remandar au neant, subreptriçament anneissada ! Assimil s’onora pas en prestant son renom a de propaganda d’aqueu nivèu de caricatura.
A.B.

Data de creacion : 25/01/2011 - 16:55
Darriera modificacion : 12/02/2011 - 14:51
Categoria : Ensenhament - Libres e pedagogia
-B

Pagina legida 12943 còps

Noveutats dau site

(despuei 45 jorns)