En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
 
 
 
Siatz aquí :   Benvenguda » “Dictadas”, de la convivéncia d’en pertot
 
    Estampar la pagina...
    Estampar la seccion...
 
 
 
 
 

“Dictadas”, de la convivéncia d’en pertot

CONVIVIAL
“Dictadas”, de convivéncia d’en pertot
 
      La Dictada a été l’événement de ce samedi 29 janvier dans cinquante villes occitanes, plus Barcelone et Paris. E Provence et dans les Alpes elle a été organisée dans une dizaine de villes dont Nîmes, Gap, Nice, Carnoules et Orange, avec Joeu Boc, Lisa Gros, Michèu Prat, Joan Pèire Baquié, Reinat Toscano et Bernat Vaton nous pouvons vous proposer ce compte rendu en provençal rhodanien, maritime, et en occitan alpin, et dans les deux graphies de l’occitan, que nous vous laissons deviner…

      Dins mai que d’una ciutat lei « dictadas », un còp de mai, siguèron lo moment ideau que liga convivialitat e militança pèr la lenga regionala. « Segur que m’agrado fouarço d’aprene lou prouvençau » que ditz Emilio, una joventa qu’es venguda ambé son paire de l’escòla de Rafèla d’Arle, dins lei Bocas dau Ròse. A la sala Gérard Philippe, son venguts un trentenau de braveis Arlatencs, e meme dos elegits locaus per assegurar Viviano Roux, la mestressa d’escòla e baila d’aquela jornada, de son interés.

      Aquéu moumen particulié lou vivon un desenau de ciéuta de Prouvenço e dis Aup. D’en pertout lou mounde s’acampo pèr uno simplo dictado, se regalon dóu prèmi, trobon uno óucasien de se parla en lengo nosto. Es ja mai que mai.

      Es lo moment que donan lei prèmis, lei risetas dei dròlles, l’envam de sei gents que veson tant bèn valorisat lo gaubi de sa marmalha, la corona dei Reis, lo suc de fruchas que raja…e pas tan de decas qu’aquò fin finala, tot pòrta pèire a una polida jornada, ambé plueja defòra, mai solèu dedins!

      Arle èra pas la sola ciutat onte s’organisèt la dictada dins Bocas dau Ròse, qu’a Setèmes tot parier lo monde s’accampèt. “Quarante aperaqui” que nos ditz Joeu Boc, un dei bailes de la jornada. Un regrèt : “onte son passats lei drolles?” que nos ditz. L’an que ven, segur faudrà assajar de mobilisar un centre continu coma l’an fachs a Rafèla d’Arle.

 
A Nîmes bien soutenue

      A Nimes, pèr exemple 75 personas èran presentas a la Dictada Occitana organizada per la seccion de Gard de l’IEO. Aquest an fòrça mai d’enfants e de joves fuguèron aculhits.

      L’ajuda de nòstrei partenaris es importanta : Region Lengadòc/Rosselhon, Consèlh Generau de Gard, Comuna de Nimes, Entrepresa Haribo, Regis Heyraud per la sonorisacion. Aquò permetèt la remessa dei quinze prèmis e tanben lo gostar ofert per la comuna.
Dins lei cartipèus de prèmis presats de totei : de CD e DVD, de libres, de camisòts, de casquetas, d’estilòs, de pega solets, de bòns de participacion a l’Universitat Occitana d’Estiu, un bòn d’abonament ofert per lo jornau « La Setmana » e de bònas de tota mena que regalèron pichons e grands.

 
Orange des jeunes

      E a Aurenja, Bernat Vaton nos escriu aquò :
La Dictada d'Aurenja s'es debanada au licèu de l'Arc. Leis inscripcions an comencat a 13o.30 e la dictada a 14o.30. I a agut una primiera dictada per leis escolans e lei colegians. Puei la dictada per lei liceans, estudiants e adults. En tot avèm agut 64 praticipants. Fòrça joines aquesta annada e mens d'adults que leis autreis annadas. Pendent la correccion avèm passat un film sus la "Caminada per Occitania" organisada per lei "Gens dau Ventor".
Puei lei liceans nos an fach un espectacle en provençau sus la vida dins una classa de provençau au licèu.

DictadaOrange.jpg

Les lycéens de l’Arc en scène autour de leur prof Matthieu Poitevin.(photo AA)

 
A Gap tous gagnants!

      Andrieu Faure, president dau Rescontre Gapian, fai la presentacion de la dictaa. Dona l'encastre generau : un cinquantenau de vilas d'Occitania e de Catalonha participan aquest an a la manifestacion. L'idèa, partia de Castras (Centre Occitan dau País Castrès), faguec son chamin, pauc a cha pauc e vèn, eira, una institucion importanta de la sauvagarda e de la promocion de la lenga occitana.
La dictaa sará pas una competicion. Las errors son pas comptaas. Ce que compta, es de se faire plaser, de viure un moment agradiu de convivéncia, un rescontre sens enjuec de poer que chascun(a) parte amb son prèmi : i a de presents per tot lo monde. Ges de premier, ges de darrier, tot lo monde es ganhaire.

DictadaGap.jpg
Une journée de détente et d’amitié organisée par le Rescontre Gapian
autour de l’auteur Joan Garnier. (photo AA)

 
A Nice deux « dictadas »

      De son costat l’IEO-06 organizava a Niça per lo quart còup la dictada occitana. Respondèron a la chamada de monde venguts dei 2 cors de lenga dau Gramon, dau cors IEO-06 a Drap : 32 personas presenti. Jan-Luc Gag, professor d’occitan-Lenga d’òc, escrivan e òme de teatre, presentèt la dictada tracha d’una novèla sieua (Regal), denant de la legir.

      Au Centre Culturau Occitan, una autra dictada èra organisada. Li èron 15 participants, aviavan un tèxto de Menica Rondelly (1854-1935), conoissut per èstre l'autor de la cançon "Nissa la bèla", ímno dau país de Nissa.

 
Dans le Var les participants sont plus nombreux

      36 candidats venguts de Var Aut coma de la Còsta an compausat, es à dire un nombre esquasi doblat en rapòrt à l’an passat. Avèm notat en particulier la participacion de 12 escolans venguts de l’escòla bilingüa Yves Bramerie de Cuers.

      Cadun es repartit m’un present ; entre àutrei causas : libres, jornaus (La Setmana, Aquò d’Aquí, Prouvènço Aro), vin (per lei grands), casquetas ambé la crotz occitana per lei dròlles (ben utila per sortir sota la plueja !). Lei donators, coma lei candidats, èron mai nombrós que l’an passat!



Data de creacion : 20/02/2011 - 14:56
Darriera modificacion : 20/02/2011 - 17:03
Categoria : Ensenhament - Leis articles d'Aquò-d'Aquí per la classa

Pagina legida 11802 còps

Noveutats dau site

(despuei 45 jorns)