01/07/2011
La lei davant lei senators
Après que l'AELOC a agut mandat un mail cortet e concentrat en totei lei senators de la regien, un dossier papier pus detalhat es estat mandat en cadun m'un desplegant de l'AELOC, e mai ais autors de la proposicien de lèi, e ai responsables de la comissien de la Cultura.
La senatriço UMP Colette Mélot, vìci-presidènto de la Coumessien de la Culturo, qu'avié reçu lei respounsable deis assouciacien naciounalo, entre élei Mario-Jano Verny de la FELCO, a puei establi un raport sus la proposicien de lèi de discuti.
Aqueu rapòrt, que de segur dona lo rebat de la pensada majoritàri, es un recuelh de tot ce que leis enemics lei plus espés dei lengas de França an poscut amolonat per escupir sus elei. Es en linha aquí, la FELCO a proposat puei de faire una responsa detalhada.
Aparèisse a l'evidenci que la majoritat de la representacien nacionala es totjorn pas mai madura (sènsa juecs de mòts) sus aquelei questiens que sus tant d'autreis evoluciens socialas monte rèston arrampits sus de posiciens que tant d'autreis Estats dins lo monde an despuei longtèmps despassat.
Nous aparèisse que, s'uno lèi venié à espeli dins un tal esperit, pourrié rèn nous rendre autre que de regressien foundamentalo. Nous sèmblo adounc que fau s'entourna a ce qu'èro d'aiour la pousicien de l'AELOC fa dous an : uno lèi dins lei coundicien d'aro pourrié que nous pourta d'empacho. Es dins aquéu sèns qu'avèn prepausa à la FELCO de reagi