En perseguissant vòstra navigacion sus aqueu site, acceptatz l'utilisacion de cookies per vos proposar de contenguts e servicis adaptats. Mencions legalas.
 
Siatz aquí :  Benvenguda
 
Previsualizar...  Estampar...  Estampar la pagina...
 
Recèrca
 
Barrar

La Botiga

      +Visitatz la botiga en linha de l'AELOC

      bouton_boutique.png

      +Telecargatz nòstre catalòg .pdf

     LibreEscolan[1].jpg     lorei2[1].jpg
 

      Contacte comandas: 

      Corrièu    I-mèl

La Tarasca/o

Çò que fasèm

 ↑  

Adesion en linha

     Podètz aderir a L'AELOc despuei lo site, e pagar vòstre escotisson en linha.

Ensenhament

Legit dins lo jornau...

Videòs

Archius

Benvenguda sus lo site de l'Aeloc

      L'AELOC, qu'es aquò ?

      Una associacion nascuda en 1987 que recampa totei lei personas que ensenhan la lenga d’òc ò vòlon ajudar per son ensenhament dins leis establiments escolaris, publics e privats, ò dins lo mitan associatiu, siguèsson professionaus ò benevòles, en activitat ò a la retirada.
      L’AELOC es una associacion duberta en totei, favorisant l’escambi e lo dialògue: s’adreiça ais occitanistes come ai mistralencs, ò a n'aquelei qu'an ges de preferenci.
       L’AELOC afirma que la lenga d’òc apartèn a totei leis abitants de Provença-Aups-Còsta d’Azur cu que siegue son origina. Òbra per valorisar totei lei parlars autentiques de nòstra region, e per nosar de liames amé leis autrei regions occitanas, e tanben amé l’espaci catalàn e mai  lo monde latin e mediterranenc.


       L'AELOC, es :

           L’AELOC vos prepausa:
   1. Son bulletin d’informacion papièr "La Tarasca / La Tarasco".
   2.  Son servici de venda (per corespondéncia ò en linha)  de libres, CDs, documents pedagogiques, alboms per la classa etc.
   3. Un collòqui bisannuau de nivèu universitari.
   4. De jornadas de rescòntre e de formacion.
   5.
De projèctes culturaus per leis escòlas e collègis de la region Provença-Aups-Còsta d’Azur..
6. Una informacion personalisada en foncion de vòstrei besonhs.
   7. Un malhum permanent d’assistança e d’escambis professionaus.
   8. Una letra d'informacion (Internet) per vos assabentar dei darrièras nòvas a prepaus de la lenga d’òc e son ensenhament.
   9. De contactes de proximitat dins totei lei despartaments de nòstra Region.

   10. Un site Internet interactiu (informacions, projèctes, actualitats, ...)

 

      L'AELOC es sòci de la Federacion deis Ensenhaments de Lenga e de Cultura d'Òc, que colabòra amé lei representants deis autrei lengas de França.

bandfelco.gif

      Es tanben sòci de la Federacion deis Amics de l'Instruccion Laïca dei Bocas-dau-Ròse.

 
   ail.png
 
       L'AELOC es subvencionada de
Logo_Pays_d_Aix.jpg     paca1.jpg   cg13.jpeg    logo-cg04.png    logo-aix.gif
 

Lei 5 darrierei nòvas

Novèu  Icones/Nouvelles_novas/ico_vie_assoc/button_0.pngASSEMBLADO GENERALO DE L’AELOC - lo 08/06/2019 - 07:55 de beeth

Vous demandan de veni noumbrous e plens d’envanc à

L'ASSEMBLADO GENERALO DE L’AELOC

lou dissato 22 de Junh a 14 ouro 30

Ostau de Provença – Oustau de Prouvènço

8 bis, av. Jùli Ferry

13100 Ais de Provença

ostau_de_p.jpg

Ordre dóu jour

Raport mourau, raport d’ativeta

Raport financié

Proujèt

Questien diverso

Renouvelamen dóu Counsèu d’Amenistracien

Aperitiu

Dins leis auvaris que cascalhon l’ensenhament de nòstra lenga,

si fau sarrar lei coides e far pròva de resistènci e de vòlha.

Comptam sus la presènci de totei pèr tenir targa cotria.

    
Coralament,
Lo Burèu de l'AELOC.

aeloc-bureau@aeloc.fr
https://www.aeloc.fr


            

 
Vos rapelam que podètz proposar vòstrei reaccions ais articles pareissuts dins nòstre site, directament despuei la pagina de l'article.
Podètz tanbèn proposar de nòvas ò d'informacions que seràn publicadas sus lo site après validacion per la còla de l'Aeloc.
.

Novèu  Icones/Nouvelles_novas/ico_education/button_0.pngLa telefonada ! - lo 28/05/2019 - 18:17 de beeth
La telefonada !
Nòstra federacien nacionala la FELCO nos convida a n una acien pròchi lo Ministèri e lo Reitorat : li telefonar pèr demandar dins qunte establiment (escòlas, colègis, licèus) si pòu aprendre l’occitan-lenga d’òc. Prepausa de si concentrar dins aquesta semana, mai rèn empacha de contunhar jusc’ai vacanças.

Ministèri : 01 55 55 10 10      Reitorat das Ais : 04 42 91 70 00     Reitorat de Niça : 04 93 53 70 70
Poudè tambèn apela leis ispeicien academico de chasque despartamen, e especialamen aquelo dei Bouco dóu Rose mounte an suprimi un poste de counseié pedagougique de lengo regiounalo, emai aquélei deis Aup mounte n’i a jamai agu :
Bouco dóu Rose : 04 91 99 66 66       Aup d’Auto Prouvènço : 04 92 36 68 50      Auteis Aup: 04 92 56 57 57       Vau-Cluso : 04 90 27 76 00  
Aup Marino : 04 93 72 63 00       Var : 04 94 09 55 00
 

Novèu  Icones/Nouvelles_novas/ico_stage/button_0.pngRESCÒNTRES OCCITANS EN PROVENÇA 2019 - lo 14/05/2019 - 19:13 de beeth

Novèu  Icones/Nouvelles_novas/ico_education/button_0.pngAgregacion d’occitan-lenga d’òc - lo 14/05/2019 - 18:32 de beeth

Lo promier Provençau agregat d’occitan-lenga d’òc

es nouastre coulègo Deidié MAURELL

cordlus.jpg

Mèmbre fidèu de l’AELOC

Proufessour de licèu à-z-Ais e à Vitrolo

Musician de trìo dins lei groupo Antequiem e Cor de Lus

que vèn d’èstre reçut à una dei doas plaças d’aqueu concors mai que seleitiu

tot just creat

Totei nòstrei felicitaciens au laureat !


Dins l’Academié d’Ais-Marsiho

L’EDUCACIEN NACIONALA S’ENCANHA MAI CÒNTRA LO PROVENÇAU

Après lo sagatagi de l’occitan-lenga d’òc dins lei licèus, vaquì que lo despartament dei Bocas dau Ròse s’ataca ai pòstes de conselhiers pedagogiques de lenga regionala dins l’ensenhament primari.

Dins la reünien dóu Coumitat teinique especiau despartamentau dóu 25 de Febrié à Marsiho, que discuto emé lei sindicat dei douberturo e supressien de poste, l’Amenistracien a anounça que sarravo un dei tres poste de counseié pedagougi de la Missien de Lengo Regiounalo, qu’avié deja perdu peravans un pòste.

Rapelen que lei Bouco dóu Rose an tres escolo bilengo, vinto-tres escolo semi-bilengo que menon uno esperiènci especifico unico en Franço, e 84 escolo mounte si douno uno iniciacien à la lengo.

En mai dei protestaciens que son en trin de s’organisar, l’equipa de l’AELOC demanda a tot’aquelei que sostènon la promocien de nòstra lenga, associaciens o individus, de si manifestar pròchi leis autoritats academicas dau despartament pèr demandar la revisien d’aquela mesura e protestar mai còntra lei reduciens d’oras dins lou segond degrat, e mai solicitar leis elegits pèr que si mobilison de son caire.

Monsieur le Directeur Académique des Services de l’Education Nationale

D.S.D.E.N.

28 boulevard Charles Nédélec

13 231 Marseille Cedex 01


Noveutats dau site

(despuei 45 jorns)

Letra d'informacion

Per aver de novèlas de l'associacion ò d'aqueste site, marcatz-vos a nòstra Letra d'Informacion.

Avans que de sometre aqueu formulari, mercé de legir e d'acceptar lei Mencions legalas.

Accèpti :
Tornar copiar lo còde :
 ↑  

Preferéncias


Se tornar connectar :
Vòstre nom (o escais-nom) :
Vòstre còde secrèt
<O>


  2191039 visitaires
  7 visitaires en linha

Connectats :
( degun )
Snif !!!
 ↑  

Calendier

Oebmèstre

Per meditar :   A la fiera, manca pas d'ases que se semblan.   
Per meditar :   L'argènt meno l'ome a l'infèr, mai éu rèsto a la porto.   
Per meditar :   Lo bòn pastre fai lo bòn aver.   
Per meditar :   Se pèr travaia l'on devenié riche, lis ase pourtarien lou bast d'or.   
Per meditar :   Cu non a bòna tèsta, fau qu'ague bònei cambas.   
Per meditar :   Chasque topin troba sa curbecela.   
Per meditar :   Fai bon saupre rèn, l'on apren toujour.   
Per meditar :   Quau a mestié a segnourié.   
Per meditar :   Amic de cadun, amic de degun.   
Per meditar :   Se la barbo blanco fasié lou sage, li cabro lou devrien èstre.   
Per meditar :   Dins lo besonh, leis amics se coneisson.   
Per meditar :   Es pas bèu çò qu'es bèu, es bèu çò qu'agrada.   
Per meditar :   Badar coma una gerla sènsa òli.   
Per meditar :   Mistrau de dissate a jamai vist lou dilun.   
Per meditar :   Bòn e marrit, coma la lenga.   
Per meditar :   Vau mai uno arencado sus lou pan qu'un pijoun que volo.   
Per meditar :   Quau trop sarro l'anguielo, l'anguielo i'escapo.   
Per meditar :   Vau mai esquilhar dau ped que de la lenga.   
Per meditar :   Cu maneja lei peiras se quicha lei dets.   
Per meditar :   Fau pas crompar cat en sac.   
Per meditar :   Lou brut fai pas de bèn, lou bèn fai pas de brut.   
Per meditar :   Lo pan dur ten l'ostau segur.   
Per meditar :   Lou courage se counèis à la guerro, la sagesso à la vido, l'amista au besoun.   
Per meditar :   Entre dous gendarmo, lou plus brave ome dóu mounde a l'èr d'un couquin.   
Per meditar :   Fau prene lou tèms coume es, l'argènt coume vèn, li gènt coume soun.   
Per meditar :   Quau semena d'espinas vague pas descauç.   
Per meditar :   Se la barbo dounavo la sciènci o se la barbo blanco fasié lou sage, lei cabro sarien tóutei dóutour.   
Per meditar :   Lo temps e l'usatge rendon l'òme sage.   
Per meditar :   Se fai pas lo civier avans d'aver la lèbre.   
Per meditar :   Quau a ben dinat crèi leis autrei sadol.   
Per meditar :   Qu toujour pren e rèn noun douno, a la fin cadun l'abandouno.   
Per meditar :   Un pau d'ajuda fa ges de mau, fòrça ajuda fa grand ben.   
Per meditar :   Entre volurs e volats, tot país es abitat.   
Per meditar :   Touto bèuta s'escoulouris, e lou renoun jamai peris.   
Per meditar :   Mistrau, Parlament e Durença son lei tres flèus de la  Provença.   
Per meditar :   A l'ase sadol lei cardons amarejan.   
Per meditar :   Pron d'ases pòrtan pas lo bast !   
Per meditar :   Quau tèn la coa de la sartan la vira d'onte vòu !   
Per meditar :   Aqueu qu'a ben dinat crèi leis autrei sadol.   
Per meditar :   Quau a que de cabras aurà lèu tondut.   
Per meditar :   Sensa pastre, mila fedas fan pas un tropèu.   
Per meditar :   A la pluma e a la cançon se reconeis l'aucelon.   
Per meditar :   Vau mai una abelha que mila moscas !   
Per meditar :   L'ase se coneis ais aurelhas, e lo fòu au parlar.   
Per meditar :   Lenga muda a jamai estat batuda.