Alboms en provençau
Leis alboms
Quora èran Mèstre-Formators en Occitan-Lenga d’Òc dins lo despartament dei Bocas-dau-Ròse: Mirelha Combe e Romieg Salamon, s'avisant dau manca de publicacions en provençau, revirèron un molon d'alboms de literatura joinessa per lei pichòts.
Amé quauqueis amics, s'endralhèron dins lo registrament de quauqueis unas d'aqueleis istòris, per donar ais ensenhaires començaires una oralisacion corrècta dei tèxtes.
Uèi, avem seleccionat leis alboms que se pòdon encara trobar dins lei magasins per metre a vòstra disposicion lei reviradas e lei registraments.
Per se ne'n servir en classa, vaquí lo principi:
Basta de crompar en librariá l’albom en francés (ò dins una autra lenga, perque non ?) e de lo racontar en provençau en mostrant leis imatges.
Quauqueis alboms son a l'ora d'ara agotats en cò deis editors. Lei prepausam pereu, se pòdon trobar aisadament sus lo Net...
Lei tèxtes son legits per Mireille Combe-Trinquier, Mireille Salamon, Gladys Ferrané, Rémy Salamon, Yannick Chaumette e Guy Garnier. E es René Kamoun que prenguèt lo sòn.
Lei tèxtes sont dichs en provençau, e escrichs per lo moment en grafia classica. La grafia mistralenca es en preparacion...
§-- Alboms difusats per l'AELOc, que podètz crompar dins nòstra botiga en linha :
- La lectura dei tèxtes "La cansoun dóu galinié" per Carles Galtier es estat registrada per l'AELOc a Eigalièras, lo 13/01/2001, e serà ben lèu disponibla.
- Leis autreis alboms son legits per Gladys Ferrané, Jean-Pierre Reynaud e Rémy Salamon.
- Lo sòn es estat registrat per Jean-Pierre Ferrané
- En cliquetant sus la cuberta de l'albom, entratz directament dins la botiga.